Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Физкультурачылар көнендә Актанышта яңа спорт мәйданчыгы ачылды
Бу көнне видеойөреш тә булды.
(Актаныш, 9 август, «Татар-информ», «Актаныш таңнары»). 8 августта Актанышта Физкультурачылар көнен бәйрәм итү Баян Дәүләтов исемендәге үзәк стадионда велойөреш белән башланып китте. Шул ук көнне яңа спорт мәйданчыгы ачылды.Велосипедчылар йөрешен сәламәт яшәү рәвеше алып баруда үзе үк үрнәк күрсәтүче Актаныш район башлыгы Энгель Фәттахов җитәкләде. Бу турыда район басмасы хәбрә итә.
Велосипедчыларыбыз үзәк стадионнан кузгалып, Мәдәният, Ленин, Җиңү парклары аша узып, 57 бистәгә чыгучы олы юлга чыкты. Яңа спорт мәйданчыгы ачылачак «Лачын» боз спорт сараенда велосипедчыларны боз сарае директоры Рамил Галиев та велосипедта каршы алды.
Энгель Нәвап улы тантанага килүче яшьләрне, спорт ветераннарын сәламләп, физик культура, спорт өлкәсе хезмәткәрләрен, спортчыларны һәм тренерларны физкультурачылар көне, шулай ук яңа спорт объекты ачылу белән котлады.
Спорт объекты Татарстан Республикасы шәһәрләрендә һәм торак пунктларында универсаль спорт мәйданчыклары төзү программасы кысаларында төзелгән һәм файдалануга тапшырылган.
Волейбол мәйданчыгы — әлеге программа нигезендә төзелгән 14нче спорт мәйданчыгы. Технология техникумы, сәләтле балалар өчен гуманитар-гимназия, «Бүләк» лагере территориясендә, Чишмә җирлегендә төзелгән спорт мәйданчыклары белән бергә аларның саны 18 гә җитә.
Физкультурачылар көне сөенечле мизгелләр белән үрелеп барды. Актаныш район башлыгы Энгель Фәттахов мәйданчык ачылу тантанасында спорт ветераннары Мөдәрис Ханов, Фәнис Маликов, Ленар Ибнеев, Фирдәвис Әхмәтов, Мәксүт Әхтәмов, Булат Сафинга ГТОның алтын билгесен тапшырды.
Мәйданчыкны ачып, кызыл тасмалар киселгәннән соң, спорт ветераннары «Лачын» спорт мәктәбенең 2005 елгы хоккей командасы белән дусларча баскетбол уенында очрашты.
Кызыклы яңалыкларны күзәтеп бару өчен Телеграм-каналга язылыгыз