news_header_top
Руc Тат
16+
news_header_bot
news_top
Спорт 5 декабрь 2013 13:22

“Татар-информ” МАнда – ике тапкыр Олимпия чемпионы Дмитрий Саутин

Бөтенроссия суга сикерү федерациясе вице-президенты Казанда узачак “4 ил матчы” хакында сөйләячәк

Скопировать ссылку

  (Казан, 5 декабрь, «Татар-информ»). Иртәгә, 6 декабрьдә, 14.00 сәгатьтә “Татар-информ” мәгълүмат агентлыгында ике тапкыр дөнья чемпионы, дөньяда бердәнбер 8 олимпия бүләге иясе Дмитрий Саутин белән матбугат конференциясе була.
6-8 декабрьдә Казанда “4 ил матчы” исемендә суга сикерү буенча спорт ярышлары узачак. Спортның су төрләре сараенда Россия, Украина, Италия һәм Германиянең танылган спортчылары ярышачак. Ярышларда көчле спортчылар арасында 3 метрлы трамплиннан һәм 10 метр биеклектән шәхси һәм синхрон сикерүләр узачак.
 Ике тапкыр Россия чемпионы, Бөтенроссия суга сикерү федерациясе вице-президенты, Россия атказанган спорт мастеры Дмитрий Саутин дәрәҗәле кунаклар сыйфатында ярышларда булачак. Ул матбугат конференциясендә ярышлар, киләчәккә планнары турында сөйләячәк, журналистларның сорауларына җавап бирәчәк.
Матбугат конференциясендә катнашу өчен pr@tatar-inform.ru электрон адресы буенча гариза бирергә мөмкин.

news_right_1
news_right_2
news_bot