«Ак Барс» — «Динамо» матчы Минск хоккейчылары файдасына төгәлләнде
Хәлиткеч алка өстәмә вакытның беренче минутында керде.
(Казан, 5 октябрь, «Татар-информ», Гөлия Хәсбиуллина). Бүген Казанның «Ак Барс» хоккей командасы Минск шәһәренең «Динамо»сына оттырды.
Матч исәбе — 3:4. Уен Казанның «Татнефть Арена» боз сараенда узды.
Беренче периодның ундүртенче минутында исәп ачылды, алканы «Динамо» һөҗүмчесе Маттиас Теденбю кертте (0:1). Периодның соңгы минутында «Ак Барс» хоккейчысы Николай Коваленко исәпне тигезләштерде (1:1).
Икенче период. Дүртенче минутта Илья Сафонов «Динамо» капкасына гол кертте (2:1). Унөченче минутта исәп яңадан тигезләште, алканы Минск командасы уенчысы Кирилл Воронин кертте (2:2). Тигез исәп озак сакланмады, унбишенче минутта Никита Дыняк Казан командасын алга чыгарды (3:2).
Өченче период. Өченче минутта, «Ак Барс» күпчелектә уйнаса да, алканы «Динамо» хоккейчысы Илья Усов кертте (3:3).
Өч периодтан соң командаларга өстәмә вакыт бирелде. Овертаймның беренче минутында ук «Динамо» һөҗүмчесе Маттиас Теденбю гол кертте, «Ак Барс» җиңелде (3:4).
Командалар составы:
«Ак Барс»
- Бобков (Билалов);
- Лукоянов — Бурмистров — Глухов, Кэмпфер — Хенкель;
- Кагарлицкий — Галимов– Коваленко, Юдин — Журавлёв;
- Дыняк — Сафонов — Воронков, Лямкин — Адамчук;
- Панюков — Линдхольм — Петров (Кателевский), Рукавишников.
«Динамо»
- Рибар (Большаков);
- Теденбю — Кемпе — Суворов, Коробов — Бенгтссон;
- Алистров — Граовац — Бек, Альмквист — Ерёменко;
- Воронин — Горбунов — Варфоломеев, Линдхольм — Шинкевич;
- Буйницкий — Усов — Когалёв, Сапего — Дерябин.
«Ак Барс» киләсе уенын да Казанда «Татнефть Арена» боз сараенда үткәрәчәк. «Ак Барс» — «Металлург» матчы 7 октябрь 19:00 сәгатьтә башлана.