Кемеровода «Зимняя вишня» үзәгендә һәлак булган кыз истәлегенә ярышлар узачак

Ул кыз ат спортын яраткан, шуңа күрә ярышларга һәлак булган кызның исеме бирелгән.

(Казан, 5 октябрь, «Татар-информ»). Кемеровода «Зимняя вишня» сәүдә-күңел ачу үзәгендә һәлак булган кыз истәлегенә ат спорты буенча ярышлар узачак. Бу турыда өлкәнең «Кузбасс» газетасы хәбәр итә.

Аларда Кемерово һәм күрше Томск өлкәсеннән йөзгә якын спортчы катнашачак. Ярышлар «Зимняя вишня» сәүдә-күңел ачу үзәгендә һәлак булган кыз истәлегенә багышлана. Ул кыз ат спортын яраткан, шуңа күрә ярышларга «Арина Тесленко истәлегенә Кубок» дигән исем бирелгән.

Чараны Кемерово өлкәсенең социаль өлкәдә Попечительлек мәсьәләләре буенча советы, Кемерово өлкәсе яшьләр сәясәте һәм спорт департаменты, Кемерово администрациясе һәм ат спорт клубы оештыра.