Азнакайның бишенче мәктәбендә шахмат зонасы ачылды
Иң яхшы шахмат зонасы бәйгесенә нәтиҗәләр март азагында ясалачак.
Скопировать ссылку
(Азнакай, 4 март, «Татар-информ», «Маяк», Резидә Шәрипова). Шушы көннәрдә Азнакайның 5нче урта мәктәбендә шахмат зонасы ачылды. Биредә шахмат зонасын ике урында булдырганнар. Өлкән сыйныф укучылары икенче каттагы фойеда уйный алса, башлангычлар өчен махсус сыйныф бүлмәсе җиһазландырылган.
Аларны ачу тантанасында район башлыгы урынбасары Роза Галеева, мәгариф идарәсе җитәкчесе Зөлфия Гыйләҗева, иҗтимагый совет рәисе Лилия Әхмәдишина һәм мәктәпләрдән кунаклар катнашты.
Иң яхшы шахмат зонасы бәйгесенә нәтиҗәләр март азагында ясалачак. Мәктәпләрдә шахмат турнирының сайлап алу турлары, апрельдә исә район башлыгы призына муниципаль этабы узачак.