Киез итекләр киеп хоккей ярышында татар эстрадасы артистлары дүртенче урын алды
«Крылья Советов» паркында узган ярышта беренче урынны Теләче командасы яулады.
Скопировать ссылку
(Казан, 4 гыйнвар, «Татар-информ»). «Крылья Советов» паркында киез итекләр киеп хоккей уйнарга яратучылар арасында турнир узды. Беренче урынны Теләче командасы яулады, икенче урында — Кукмара командасы, өченчедә — Байлар Сабасы командасы. Татар эстрадасы артистлары командасы дүртенче урынны алды. Бу турыда Казан мэриясе хәбәр итә.
Ярышларда Татарстанның төрле шәһәр һәм районнарыннан катнашучылар һәм җанатарлар җыелды.
Турнирда татар эстрадасы артистлары - шоумен, юморист Данир Сабиров, алып баручы Рәдиф Әхмәдиев, радио ди-джее Илнар Хөсәенов, җырчылар Илшат Сафин һәм Илшат Вакказов катнашты.