Канадалы Лекавалье Уфада "Ак Барс"ка җиңү китерде

(Казан, 3 февраль, "Татар-информ"). Кичә Казанның "Ак Барс" командасы Башкортстан башкаласында 4:3 исәбе белән җирле "Салават Юлаев" клубын җиңде. "Ак Барс"ның икенче период башлануга ук ике шайбага оттырып килүен искәртеп үтәргә кирәк. Хуҗаларда ике тапкыр да Сидякин аерылып торды. Әмма Архипов исәпне киметте, ә икенче 20 минут ахырында Зиновьев исә, исәпне тигезләде. Өченче периодта командалар шайбалар белән алмашты: "Ак Барс" командасының уенчысы Салей керткән алкага хуҗалардан Аншаков җавап бирде. Казанлыларга җиңүне өстәмә вакытның өченче минутында Лекавалье китерде. Нәтиҗәдә, "Ак Барс" ике очко җыйды һәм турнир таблицасында дүртенче урынны саклады.

Тольяттидә "Нефтехимик" матч буе җирле "Лада" белән бер дәрәҗәдә уйнады, әмма уен ахырында хуҗалар 2:1 исәбе белән җиңү шайбасын кертте.