Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Камилә Вәлиева сезонга 61,3 мең доллар акча эшләгән
Пекиндагы Олимпиадада җиңү яуласалар, фигуралы шуучыларга алтын медаль өчен — дүртәр миллион, көмеш өчен — 2,5 миллион һәм бронза өчен 1,7 миллион сум акча тапшырылачак.
(Казан, 2 февраль, «Татар-информ», Сергей Гаврилов). Фигуралы шуу буенча Россия спортчылары агымдагы сезонда халыкара ярышларда чыгыш ясаган өчен суммар күләмдә 635 мең доллар (48,5 миллион сум) акча эшләгән.
Metaratings мәгълүматларына караганда, Казан кызы Камилә Вәлиева иң күп керемгә ия — 61,3 мең доллар, ягъни 4,7 миллион сум.
Бу исемлектә Камилә Вәлиевадан соң Анна Щербакова тора. Ул 52 мең доллар күләмендә керем алган. Өченче һәм дүртенче урыннарда Анастасия Мишина — Александр Галләмов спорт пары (35,7 мең доллар) һәм Виктория Синицына — Никита Кацалапов бию дуэты (33,7 мең доллар).
Хәзер фигуралы шуучылар Пекинда узачак Олимпиадада. Ул 4-20 февральдә үтәчәк. Уеннарда җиңү яуласалар, аларга Россия спорт министрлыгыннан алтын медаль өчен — дүртәр миллион, көмеш өчен — 2,5 миллион һәм бронза өчен 1,7 миллион сум акча тапшырылачак.
Кызыклы яңалыкларны күзәтеп бару өчен Телеграм-каналга язылыгыз