Икътисад 15 гыйнвар 2015 18:06

Спорт теле- һәм радиоканалларына сыра һәм пабларны рекламалау рөхсәт ителгән

1 гыйнвардан "Реклама турында"гы законга кайбер очракларда алкоголь продукциясен рекламаларга рөхсәт иткән төзәтмәләр үз көченә керде

Скопировать ссылку

(Казан, 15 гыйнвар, «Татар-информ»). 2015 елның 1 гыйнварыннан "Реклама турында"гы федераль законның алкоголь продукциясен (сыра һәм илдә җитештерлегән шампан шәрабен) рекламалауны җайга салу мәсьәләләре бүлегенә төзәтмәләр үз көченә керде.

Яңа нормалар буенча, теле- һәм радиопрограммаларда кайбер очракларда алкоголь реламалау рөхсәт ителә. "Яңа законда сыра һәм илдә җитештерелгән шампан шәрабен туры эфирда яки спорт чараларыннан язмада рекламалауга рөхсәт бар, балалар-яшүсмерләр спорт чаралары гына искәрмә булып тора. Шулай ук алкогольне физкультура-спорт материалларында һәм хәбәрләрендә махсуслашкан телеканал һәм радиоканалларда рекламаларга ярый", - дип белдерделәр бүген "Татар-информ" агентлыгы хәбәрчесенә Монополиягә каршы федераль хезмәтнең ТР буенча идарәсе матбугат хезмәтеннән.

Моннан тыш, агентлык әңгәмәдеше сүзләренчә, төзәтмәләр нигезендә, Россиядә ил территориясендә үстерелгән виноградтан җитештерелгән шәраб һәм шампан шәрабен теле- һәм радиопрограммаларда җирле вакыт белән 23.00дән 7.00гә кадәр рекламаларга ярый. Туры эфир һәм балалар-яшүсмерләр спорт чаралары язмалары искәрмә булып тора.

"Яңа гасыр" терерадиокомпаниясе һәм "Спорт-FM" радиостанциясе сыра һәм аны сатучы биналарын рекламаларга хокуклы. Калган теле- һәм радиоканаллар тиешле вакытта шәраб, шампан шәрабе һәм аларны сатуны стимуллаштыручы чараларны гына рекламалый ала.

Сәхифәләр

Спорт теле- һәм радиоканалларына сыра һәм пабларны рекламалау рөхсәт ителгән