news_header_top_970_100
news_header_bot_970_100

Спорт сараенда фигуралы шуу буенча бөтенроссия ярышлары ачылышы булды

Спорт сараенда фигуралы шуу буенча бөтенроссия ярышлары ачылышы булды

(Казан, 16 ноябрь, «Татар-информ», Гөлнар Гаттарова). Бүген Спорт мәдәният сараенда тимераякта фигуралы шуу буенча «Идел 2005» бөтенроссия ярышлары башланды. Анда Россиянең 18 шәһәреннән төрле оешма вәкилләре катнаша.

Бүген тантаналы ачышта ТР Яшьләр эшләре, спорт һәм туризм министрының спорт буенча урынбасары Хәлил Шәйхетдинов, Казан шәһәре хакимияте башлыгы урынбасары Әлфия Тутаева, ТР Мәдәнияте һәм Халыклар теле үсешенең баш референты Виктор Лязмин, РФ Фигуралы шуу федерациясе рәисе Галина Голубкова катнашты.

Катнашучыларны бәяләүдә Казанның Олимпия резервы балалар һәм яшүсмерләр фигуралы шуу мәктәбе директоры Евгений Безменов баш хөкемдар булачак.

Шулай ук бүген РФ Фигуралы шуу федерациясе исеменнән күптән түгел 60 еллык юбилеен билгеләп узган Спорт сарае директоры Ренат Әйбәтовны тәбрикләү дә булды.

Ярышлар 18 ноябрьгә кадәр дәвам итәчәк.

news_right_column_1_240_400
news_right_column_2_240_400
Медиаметрикс
news_bot_970_100