Спорт министры Владимир Леонов «Татар-информ»ны 35 еллыгы белән котлады
Татарстан Республикасы спорт министры Владимир Леонов «Татар-информ»ны 35 еллык юбилее белән котлады.
«Хөрмәтле «Татар-информ» басмасы, сезне 35 еллык юбилеегыз белән чын күңелдән котлыйм! Татарстан Республикасы Спорт министрлыгы исеменнән сезгә гаять зур хезмәтегез, фидакарьлегегез һәм эшкә тугрылыгыгыз өчен ихлас рәхмәт белдерәм. Бу еллар дәвамында сез һөнәри үсеш күрсәттегез, спорт чараларына ярдәм иттегез. Бу безнең республикада физик культура һәм спорт үсешенә ярдәм итте», - диде Леонов.
Ул билгеләп үткәнчә, Татарстан Республикасы Спорт министрлыгы белән мәгълүмат агентлыгы арасындагы күпьеллык нәтиҗәле хезмәттәшлек нәтиҗәсендә республика һәм халыкара дәрәҗәдәге күпсанлы спорт чаралары уңышлы уздырып җибәрелде.
«Сезнең детальләргә игътибарыгыз, һәр ситуациягә оператив җавап бирә белүегез һәм вакыйгаларны яктырту сыйфатын яхшыртырга омтылуыгыз басманың керткән өлешен Татарстан спорт индустриясе үсешенең мөһим факторы итте. Юбилеегыз сезнең үсешнең яңа этабы булсын, яңа казанышларга һәм ачышларга илһамландырсын. Сезгә нык сәламәтлек, иминлек, иҗади уңышлар һәм яңа җиңүләр телибез!» - дип йомгаклады министр.
Артур Гизатуллин