news_header_top
16+
news_header_bot
news_top

Спектакль һәм Яңа ел концерты: Түбән Камада «Күрше фест»ның икенче чарасы узды

Спектакль һәм Яңа ел концерты: Түбән Камада «Күрше фест»ның икенче чарасы узды
Фото: чараны оештыручылар тәкъдим итте

Түбән Камада бүген «Кышкы күңел ачулар» – «Күрше фест» кышкы фестивале кысаларында оештырылган икенче чара узды. Бу хакта чараны оештыручылар хәбәр итте.

Бәйрәм Татар драма театры каршындагы мәйданда узды. Җыелучыларны Түбән Кама мэры урынбасары Марина Камелина сәламләде. Ул барысын да Яңа ел һәм Раштуа белән котлады.

Түбән Кама башлыгы урынбасары балаларга һәм зурларга яхшы ял итүләрен, күңел ачуларын һәм көч җыюларын теләде. «Яңа ел шундый тату, җылы, дусларча мохиттә узсын», – диде ул.

Бәйрәмнең төп мизгеле «Ананас» урам театры тәкъдим иткән бер сәгатьлек «Раштуа йолдызы» спектакле булды. Әкият персонажлары, Кыш Бабай һәм Кар кызы барысын да уеннар, биюләр һәм күңелле конкурсларга җәлеп итте.

Бәйрәм кунакларын бушлай тәм-томнар һәм кайнар чәй белән сыйладылар. Түбән Каманың иң актив кешеләре, шул исәптән 12нче һәм 13нче микрорайоннарындагы йортлардагы өлкән кешеләр Яңа елга бизәлгән подъездлар һәм ишегаллары өчен дипломнар һәм бүләкләр алды. Тантана кысаларында барлыгы 82 кешегә диплом тапшырылды.

Бәйрәм Яңа ел концерты белән тәмамланды.

news_right_1
news_right_2
news_bot