Фән һәм мәгариф 24 апрель 2019 00:00

Спас районы укучылары ЗАГСта экскурсиядә булган

Аларга оешмада теркәлә торган гражданлык хокукый актлары, никахны теркәү өчен нинди шартлар үтәлергә тиешлеге һ.б. хакында сөйләнелде.

Скопировать ссылку

(Казан, 24 апрель, "Татар-информ", "Яңа тормыш"). Спас районы ЗАГС бүлегендә укучылар өчен файдалы мәгълүматларга, тормыштан китерелгән мисалларга, архив материалларына бай булган хокук сәгате уздырылган. Бу хакта җирле басама яза.

Балаларга оешмада теркәлә торган гражданлык хокукый актлары, архивның ничек формалашуы, никахны теркәү өчен нинди шартлар үтәлергә тиешлеге, фамилиясен, исемен яки әтисенең исемен үзгәртү өчен ниләр кирәклеге хакында сөйләделәр.

Шулай ук, атаны билгеләү һәм уллыка (кызлыкка) алуның нәрсә икәнлеге, алар арасында нинди аерма булуы турында тулы аңлатма бирделәр.

Экскурсия ахырында укучылар истәлеккә фотога төштеләр.

#спас #ЗАГС

Сәхифәләр

Спас районы укучылары ЗАГСта экскурсиядә булган