Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
«Созвездие-Йолдызлык» арт-резиденциясе беренче кастингына йомгак ясады
Арт-резиденция тамашачылар өчен бу елның ноябрендә ишекләрен ачачак.
(Казан, 7 июнь, «Татар-информ», Рузилә Мөхәммәтова). «Созвездие-Йолдызлык» фестивале арт-резиденциясенең театр бүлеге үзенең беренче спектакленә кастинг үткәрде.
Резиденция Лопе де Веганың «Хитроумная влюбленная» спектакле премьерасы белән ачылачак, дип хәбәр итә фестивальнең матбугат үзәге. Комедияне резиденция советы чакырган режиссер — С. Герасимов исемендәге Бөтенроссия дәүләт кинематография институтын тәмамлаган Александр Туманов куя.
«Безнең театрның төп максаты — профессионалларга эш урыны бирү. Алар Марсель Сәлимҗанов, Юрий Федотов, Михаил Борисов һәм башкалар кебек остазлар салган традицияләрне саклау идеясен күзаллый», — ди резиденциянең сәнгать җитәкчесе Дмитрий Туманов. Ул «Созвездие-Йолдызлык» арт-резиденциясенең эксперименталь театр түгеллеген ассызыклады.
Кастингта Н.Җиһанов исемендәге Казан дәүләт консерваториясе, Казан дәүләт мәдәният институты, И.Әүхәдиев исемендәге Казан музыка көллияте, Казан театр училищесы, шулай ук Россия театр сәнгате — ГИТИС университеты студентлары һәм аны тәмамлаучылар катнашты.
«Созвездие-Йолдызлык» фестиваль хәрәкәтенең генераль продюсеры Дмитрий Туманов сүзләренә караганда, тиздән спектакльнең репетиция процессы башланачак. Әлегә репетиторлар төркеме яңа состав белән шөгыльләнәчәк.
Спектакльдәге рольләр инде бүленүгә карамастан, арт-резиденциянең театр бүлекчәсе тагын бер кастинг уздырырга планлаштыра. Аның көне һәм вакыты бүген узачак резиденция советының беренче утырышыннан соң билгеле булачак.
«Созвездие-Йолдызлык» арт-резиденциясе тамашачылар өчен бу елның ноябрендә ишекләрен ачачак.
Кызыклы яңалыкларны күзәтеп бару өчен Телеграм-каналга язылыгыз