«Созвездие-Йолдызлык» фестивале Эдуард Хәйруллинның соңгы чыгышын искә төшерә
«Созвездие-Йолдызлык» фестивален оештыручылар Казанда танылган журналист, «Татмедиа» Республика матбугат һәм массакүләм коммуникацияләр агентлыгы җитәкчесе урынбасары Эдуард Хәйруллинның туганнары һәм якыннарының кайгысын уртаклаша.
«Алдагы көндә генә «Созвездие-Йолдызлык» фестиваленең күптәнге дусты Эдуард Хәйруллин «Уникс» залында узган гала-концертта чыгыш ясаган иде. Икенче көнне аның вафаты турында ишеттек», - дип хәбәр итә матбугат үзәге һәм аның фестивальдә катнашучыларга әйтелгән соңгы сүзләрен китерә.
«Сәлам, дуслар! Бүген, Космонавтика көненнән соңгы икенче көнне яңа йолдызлар кабызу өчен «Созвездие-Йолдызлык» фестиваленең чираттагы зур корабы очып китә. Иң көчлеләр, акыллылар, талантлылар җиңеп чыксын! Һәрберегез җиңсен! Гагарин әйтмешли: «Кузгалдык!» Алга һәм ак юллар!» дип сәламләгән ул катнашучыларны сәхнәдән.
- Кичә танылган журналист, Татарстан җитәкчесенең элеккеге матбугат сәркатибе, «Татмедиа» Республика матбугат һәм массакүләм коммуникацияләр агентлыгы җитәкчесе урынбасары Эдуард Хәйруллинның вафаты турында билгеле булды. Аңа 54 яшь иде.