«Советский спорт» версиясе буенча, Алинә Заһитова халык спортчысы дип танылды
Җиңүчене җанатарларның тавыш бирүе буенча билгеләделәр.
Скопировать ссылку
(Казан, 7 декабрь, «Татар-информ»). Дөнья, Европа һәм Олимпия уеннарының гамәлдәге чемпионы, фигуралы шуу остасы Алинә Заһитова «Советский спорт — ел нәтиҗәләре» илкүләм премиясенең «Халык спортчысы» номинациясендә җиңде. Бу турыда «Советский спорт» газетасы сайтында хәбәр ителә.
«Халык спортчысы» номинациясендә махсус приз иясе Бөтенроссия җәмәгатьчелек фикерен өйрәнү үзәге уздырган гади җанатарларның тавыш бирү юлы белән билгеләнде.
Икенче урынны кагыйдәләрсез көрәш (ММА) спортчысы Хәбиб Нурмагомедов алды. Өченче урынны хоккейчы Александр Овечкин һәм футболчы Артем Дзюба бүлеште.