Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Социологлар Россиядә иң абруйлы һөнәрне атады
Сораштыру нәтиҗәләре буенча, россиялеләрнең 26 проценты табиб һөнәрен абруйлы дип саный.
(Казан, 24 октябрь, «Татар-информ»). Бүгенге көндә россиялеләрнең чирек өлеше (26%) табиб һөнәрен абруйлы дип саный. Керем ягыннан юрист һөнәре лидерлык итә. Бу турыда Бөтенроссия җәмәгатьчелек фикерен өйрәнү үзәгенең сораштыруларына сылтама белән РИА Новости хәбәр итә.
Сораштыруда катнашучыларга “Хәзер нинди һөнәрләрне абруйлы дип саныйсыз?” – дигән сорау биргәннәр.
Сораштыру нәтиҗәләре буенча, россиялеләрнең 26 проценты табиб һөнәрен абруйлы дип саный. Шулай уйлаучылар саны сизелерлек арткан, 2012 елда сорауштыруда катнашучыларның 12 проценты шул фикердә булса, 2006 елда - 11%. Моннан тыш, россиялеләрнең 16 проценты укытучы һөнәрен абруйлы дип саный, ә 14% — юрист һөнәрен.
15% респондент юрист, адвокат һәм прокурор һөнәрләрен атаган, 2006 елда сораштыруда катнашучыларның 23 проценты шулай уйлаган.
"ВЦИОМ-Спутник" бөтенроссия сораштыруы 22 октябрьдә 18 яшьтән өлкәнрәк 1600 россиялеләр арасында телефон аша үткәрелгән.
Кызыклы яңалыкларны күзәтеп бару өчен Телеграм-каналга язылыгыз