Җәмгыять 20 февраль 2017 15:35

Социологлар: Күпчелек россияле Донецк һәм Луганск халык республикасының бәйсезлеге яклы

Сораштыру 2017 елның февралендә үткәрелгән, анда 1,2 мең респондент катнашкан.

Скопировать ссылку

(Казан, 20 февраль, “Татар-информ”). Россия халкының өчтән береннән артыгы (36 процент) Украина конфликтында Россиянең катнашмаучанлыгы яклы. Дүрттән бер өлеше (24 проценты) Донецк һәм Луганск халык республикаларының бәйсезлеген танырга кирәк дип саный. Бу хакты Бөтенроссия җәмәгатьчелек фикерен өйрәнү үзәге тарафыннан үткәрелгән сораштыруга таянып, РИА “Новости” хәбәр итә.

“Донецк һәм Луганск халык республикаларының Киев белән конфликтында россиялеләрнең яртысы теге яки бу рәвештә Донецк халык республикасына һәм Луганск халык республикасына ярдәм күрсәтергә тәкъдим итә: 8 проценты автономияне киңәйтүдә ярдәм итәргә, 24 проценты аларның бәйсезлеген танырга, 18 проценты аларны Россия составына кабул итәргә кирәк дип саный”, - дип аңлатканнар тикшеренү авторлары. Элегрәк шулай дип 8, 23, 14 процент респондент җавап биргән булган.

“Күпчелек россияле Донецк халык республикасын һәм Луганск халык республикасын Украина дип танымый. Бу тикшеренүнең төп нәтиҗәсе”, - дип аңлаткан Бөтенроссия җәмәгатьчелек фикерен өйрәнү үзәгенең тикшеренү проектлары җитәкчесе Михаил Мамонов.

Бөтенроссия җәмәгатьчелек фикерен өйрәнү үзәгенең тикшеренүе 2017 елның февралендә үткәрелгән. Социологлар 1,2 мең кешегә телефоннан шалтыратып сораулар биргән.

#социолог #респондент #Украина

Сәхифәләр

Социологлар: Күпчелек россияле Донецк һәм Луганск халык республикасының бәйсезлеге яклы