Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Сораштыру: Һәр җиденче россияле эш эзли
Һәр җиденче россияле актив рәвештә эш эзли һәм бу көздә яңа урынга күчәргә әзер. Шул ук вакытта гражданнарның яртысы хәзерге эш урыныннан канәгать. «Авито Работа» һәм «Авито Реклама» тикшеренүләрендә шул хакта әйтелә, дип яза РИА Новости.
Тикшеренү мәгълүматлары буенча, респондентларның 15 проценты актив рәвештә яңа эш эзли һәм бу көздә эш урынын алыштырырга әзер. Тагын 8 процентның эшен алмаштыру теләге бар, ләкин моны соңрак – кышын яки яңа елдан соң эшләргә планлаштыра.
Шул ук вакытта эшләүче россиялеләрнең күбесе хәзерге эш урынын үзгәртергә теләми: сораштырылганнарның 38 проценты компаниядә калырга һәм шунда үсәргә җыена. Тагын 28 процент базардагы вазгыятьне һәм мөмкин булган мөмкинлекләрне аңлау өчен вакансияләрне вакыт-вакыт караштыруын әйткән.
Эшләүче россиялеләрнең дүрттән бер өлеше агымдагы эш урыныннан тулысынча канәгать, тагын өчтән бере – тулаем канәгать, әмма кайбер үзгәрешләрдән баш тартмас иде. Һәр унынчы респондент даирәсен яки һөнәрен алыштырырга тели.
Яңалыкларны күзәтеп бару өчен Макс-каналга язылыгыз