Җәмгыять 20 сентябрь 2017 13:14

Сораштыру: россиялеләрнең җәйге ялларга чыгымы 4 процентка арткан

Бер гаилә әгъзасына чыгым 37 мең тирәсен тәшкил иткән.

Скопировать ссылку

(Казан, 20 сентябрь, "Татар-информ"). Россиялеләрнең быелгы җәйге ялларга чыгымнары узган елгы белән чагыштырганда 4 процентка арткан. Бер гаилә әгъзасына чыгым 37 мең тирәсен тәшкил иткән. Бу хакта Бөтенроссия җәмәгатьчелек фикерен өйрәнү үзәге (ВЦИОМ) хәбәр итә, дип җиткерә РИА Новости.

Быел җәйге ялга бару бер гаилә әгъзасына уртача 37 мең 363 сум булган. Алдагы ел бу сумма уртача 36 мең 26 сумны тәшкил иткән булган.

Шулай итеп, быел чыгымнар алдагы елдан 4 процентка югары, әмма күзаллаганнан кимрәк булган, дип җиткерә социологлар. Май аенда россиялеләр ялга 39 мең 806 сум тотарга ниятләгән булган, дип искәртә Бөтенроссия җәмәгатьчелек фикерен өйрәнү үзәге.

Бөтенроссия "ВЦИОМ-Спутник" сораштыруы 2017 елның 12-14 сентябрь көннәрендә 1,8 мең респондент арасында үткәрелгән. Сораштыру алымы – телефон аша интервью.

#җәйге ял #чыгымнар

Сәхифәләр

Сораштыру: россиялеләрнең җәйге ялларга чыгымы 4 процентка арткан