Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Соңгы елларда милли республикаларда кино төшерү кимегән
Төрки дөнья киносы көннәрен әзерләгәндә милли республикаларда кино азрак төшерелүе ачыкланган.
«Төрки илләрдә фильмнарга кытлык бар. Төркиядә дә соңгы елларда фильмнар төшерү кимегән. Төрки кино көннәрен әзерләгәндә бу хакта Төркиянең Казандагы генераль консул Исмет Эрикан да әйтте», - диде «Татар-информ»да узган матбугат конференциясендә «Татаркино» оешмасы җитәкчесе Миләүшә Айтуганова.
«Без бу юлы бөтен төрки республикаларның соңгы ике елда төшерелгән иң яхшы фильмнарын җыярга тырыштык», диде ул. Әмма афишага Башкортстан һәм Чувашия республикаларының фильмнары керми калган.
Миләүшә Айтуганова моны Башкортстанда Төрки дөнья киносы көннәрендә күрсәтергә яңа фильмнар булмавы, Чувашия Республикасында бөтенләй кино төшерелми башлавы белән аңлатты.
«Башкортстанның соңгы фильмнарын без күрсәткән идек инде. Чувашиягә килгәндә, «Чувашкино» реформалар кичерә, студия дә ябылган дип әйттеләр. Аларның документаль фильмнарын күрсәтеп торабыз», диде «Татаркино» җитәкчесе.
Миләүшә Айтуганова Казанда төрле республикаларның милли кинолары һәрвакыт күрсәтелеп торуын искәртте.
- Бүген Татарстанда төрки кино көннәре ачыла. Ул 18 майга кадәр дәвам итәчәк. Фестиваль Казанның «Мир» кинотеатрында «Эртугрул 1890» Төркия/Япония фильмы белән ачыла. Башлана – 16.30 сәгатьтә.
Кызыклы яңалыкларны күзәтеп бару өчен Телеграм-каналга язылыгыз