Сөлгедәге таплар гүя күңелдә...
«Татар-информ» мәгълүмат агентлыгы «Ядкярләрдә Тукай рухы» әдәби конкурсында җиңү яулаган катнашучыларның эшләрен тәкъдим итә. Әдәби бәйге Татарстан Республикасы Милли музее һәм Габдулла Тукай әдәби музее тарафыннан оештырыла. Әлеге эшләр беренче тапкыр матбугатта тәкъдим ителә.
Сөлгедәге таплар гүя күңелдә...
Музей буйлап йөрим… Һәр җиһазда
Шул чор рухы, чоры Тукайлы:
Кара сав(ы)ты, салам чемоданы,
Рәсемнәре майлы буяулы…
Ак сөлгеләр тора үз(е)нә дәшеп,
Ак сөлгеләр – гүя ак күңел.
Ак сөлгеләр ләкин тапланса да,
Бетә юылып: гомерлеккә түгел.
– Милләт, милләт! – дидең бөек Тукай,
Туры юлга дәштең татарны.
Уятмакчы булдың йоклаганны,
Агартмакчы булдың караны.
Телгә каршы көрәш дәвам итә, -
Тынычлык юк милләт күгендә.
Күпләр юган, ләкин һич бетмәгән
Күңелләрдә таплар бүген дә…
Актаныш районы Чуракай мәктәбенең 6 класс укучысы Таңсылу Сәлахова, 2023 ел.