Хәвеф-хәтәр 19 июль 2018 10:10

Соль-Илецк курортында Татарстаннан килгән мәктәп укучысын яшен суккан

13 яшьлек малай гаиләсе белән Минзәләдән ял итәргә барган булган.

Скопировать ссылку

(Казан, 19 июль, «Татар-информ»). Соль-Илецк курортында яшен сугып, Татарстаннан килгән мәктәп укучысы һәлак булган. Бу хакта «Минзәлә» газетасы яза.

13 яшьлек малай гаиләсе белән Минзәләдән ял итәргә килгән. Яшенле яңгыр ява башлаганда, ул суда булган. Фаҗигане үз күзләре белән күргән кешеләр раславынча, коткаручылар репродуктор аша ял итүчеләргә тиз арада судан чыгарга кушкан. Туристларның күпчелеге якындагы кафега кереп яшеренгән. Суда дистәгә якын кеше калган.

Шаһитлар социаль челтәрләрдә хәбәр иткәнчә, малай ярдан шактый эчтә булганлыктан, судан чыгарга өлгерә алмаган. Аңын югалткан баланы яр буена алып чыкканнар. Ашыгыч ярдәм табиблары мөмкин булганның барысын да эшләүгә карамастан, аның гомерен саклап кала алмаганнар.

#яшен сугу #минзәлә #соль-илецк

Сәхифәләр

Соль-Илецк курортында Татарстаннан килгән мәктәп укучысын яшен суккан