Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Согуд Гарәбстаны хакимияте хаҗга әзерләнми торырга киңәш итте
Хәзерге вакытта Согуд Гарәбстанында 1,5 меңгә якын кешенең коронавирус белән авыруы ачыкланган, ун кеше үлгән.
(Казан, 1 апрель, «Татар-информ»). Согуд Гарәбстаны хакимияте мөселманнарны июль ахырына планлаштырылган хаҗга әлегә әзерләнми торырга өндәде. Бу хакта «Аль-Джазира» телеканалына сылтама белән «Интерфакс» хәбәр итә.
«Хәзерге шартларда без глобаль пандемия турында сөйлибез. Корольлек барлык мөселманнарның һәм үз гражданнарының сәламәтлеген сакларга тели, шуңа күрә без барлык илләрдәге мөселманнарны вазгыять ачык билгеле булганчы барлык килешүләрне кичектерергә киңәш итәбез», — диде Согуд Гарәбстанының хаҗ министры Мөхәммәд Салих Бинтен.
Согуд Гарәбстаны хаҗилар килүгә тулысынча әзер, диде ул.
Элегрәк Согуд Гарәбстанында мөселманнарга гомрә кылуны — Мәккәгә кече хаҗ кылуны тыйган иде. Биредә билгесез вакытка кадәр барлык халыкара пассажир рейслар туктатылды, җәмәгать транспорты эшенә чикләүләр кертелде. Узган атнада берничә шәһәрдән, шул исәптән Мәккәгә һәм Мәдинәгә керү һәм чыгу юлларын чикләделәр.
Хәзерге вакытта Согуд Гарәбстанында 1,5 меңгә якын кешенең коронавирус белән авыруы ачыкланган, ун кеше үлгән.
Мәккә һәм Мәдинә шәһәрләренә гадәттә бөтен дөньядан 2,5 миллионга якын мөселман хаҗ кыла. Хаҗ — Согуд Гарәбстаның төп керем чыганагы, дип хәбәр итә «Аль-Джазира».
Кызыклы яңалыкларны күзәтеп бару өчен Телеграм-каналга язылыгыз