Сөембикә манарасындагы ярымайны реставрацияләүгә 60 грамм сусаль алтын сарыф иткәннәр
Скопировать ссылку
Реставрациядән соң Сөембикә манарасына куелган ярымайның алтынын яңартуга 60 граммнан артык сусаль алтын сарыф иткәннәр. Бу хакта «Татар-информ» га реставратор-алтынчы Борис Симаков сөйләде.
«Без иске алтынны тулысынча алдык, бакырга кадәр, аннары яңасын ясадык. Бу эштә иң мөһиме – тырышлык һәм сабырлык», - дип билгеләде агентлык әңгәмәдәше.
Аның сүзләренчә, яңа алтын 20 елга кадәр торачак. Моннан тыш, конструкция тулысынча катырганнан соң, аңа һава шартлары да, кошлар да куркыныч булмаячак.