Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия Дәүләт Думасы депутаты Әгерҗенең ял паркына бәя бирде
Җитәкчеләр Әгерҗенең аскы өлешендә мәктәп төзү мәсьәләсен күтәрде.
(Әгерҗе, 31 июль, «Татар-информ», «Әгерҗе хәбәрләре», Миләүшә Ягъфәрова). Әгерҗелеләрнең иң яратып йөри торган урыны Бу атнада Россия Дәүләт Думасы депутаты Әлфия Когогина эшлекле сәфәр белән Әгерҗегә килде. Аны район башкарма комитеты җитәкчесе Азат Вәлиев каршы алды. Алар федераль программа буенча төзекләндерелүче «Орешник» ял паркында булды. Бу турыда район басмасы хәбәр итә.
«Бу — әгерҗелеләрнең иң яратып йөри торган урыны. Шушы көннәрдә ачык һавада кино күрсәтү эшен башладык. Скейт-парк төзелеше ахырына якынлаша. Киләчәктә кафе төзү хыялы белән дә янабыз», — диде Азат Вәлиев киләчәккә планнар белән таныштырып.
» Чынлап та, шәһәрегезнең иң матур урыны бу парк. Биредә балалар, яшүсмерләргә генә түгел, өлкәннәргә дә сәламәтлекләрен ныгыту өчен мөмкинлекләр җитәрлек», — диде Әлфия Когогина парк буйлап йөргәндә.
Коронавирус пандемиясенә бәйле чикләүләр бетерелеп, массакүләм чаралар уздыруга мөмкин булгач, район җитәкчеләре Әлфия Гомәровнаны паркта оештырылачак бәйрәм чарасына чакырырга да вәгъдә бирделәр. Эшлекле очрашу район хакимиятендә дәвам итте. Җитәкчеләр биредә Әгерҗенең аскы өлешендә мәктәп төзү мәсьәләсен күтәрде. Шулай ук райондашларга ял итү өчен пляж булдыру идеясе буенча да фикер алыштылар.
Кызыклы яңалыкларны күзәтеп бару өчен Телеграм-каналга язылыгыз