Җәмгыять 31 март 2020 06:11

Бөгелмәдә фонтаннар ремонтына 800 мең сум тотылачак

Шәһәрне яшелләндерүгә 11 миллион сумга якын акча бүлеп бирелгән.

Скопировать ссылку

(Бөгелмә, 31 март, «Татар-информ», «Бөгелмә авазы»). Бөгелмә фонтаннарын ремонтлау һәм техник хезмәт күрсәтү заказын 2020 елда Дәүләт сатып алулары сайтында район башкарма комитеты бастырган. Килешүнең башлангыч суммасы 800 мең сум тәшкил итә. Финанслау чыганагы — Татарстан бюджеты. Бу турыда район басмасы хәбәр итә.

Эш барышында суны чистарту өчен фильтрларны алмаштыралар, дезинфекция чаралары белән торбаүткәргечләрне юалар, яктырткычлардагы лампочкаларны алмаштыралар һәм алай гына да түгел. Бүлеп бирелгән акчалар шулай ук махсус техникага, чыгым материалына, эшче һәм машинистларга хезмәт хаклары түләүгә тотылачак.

Электрон аукцион 2 апрельдә узачак. Эшләрне башкару вакыты 31 декабрьгә кадәр дип билгеләнә.

Шулай ук быел Бөгелмәдә шәһәрне яшелләндерүгә 11 миллион сумга якын акча бүлеп бирелгән.

Сәхифәләр

Бөгелмәдә фонтаннар ремонтына 800 мең сум тотылачак