Җәмгыять 31 гыйнвар 2021 23:16

Әлмәттә Татарстанның тарихына һәм табигатенә багышланган басмаларны тәкъдим иттеләр

Вакыйга җәмәгатьчелек, мәдәният һәм мәгариф вәкилләре катнашында узды.

Скопировать ссылку

(Казан, 31 гыйнвар, «Татар-информ»). Әлмәттә Татарстан Фәннәр академиясенең Татар энциклопедиясе һәм төбәкне өйрәнү институты басмаларын тәкъдим ителде. Анда тарих фәннәре докторы, Татарстан Фәннәр академиясе академигы Искәндәр Гыйләҗев һәм югары уку йорты вәкилләре катнашты.

Вакыйга җәмәгатьчелек, мәдәният һәм мәгариф вәкилләре катнашында узды. Бу хакта « Знамя труда» газетасы яза.

Искәндәр Гыйләҗев сүзләренчә, институт басмаларын республика районнарында тәкъдим итү күркәм традициягә әйләнде.

Соңгы елларда Татар энциклопедиясе һәм төбәкне өйрәнү институты тармак проектлары өстендә эшли — бу «Россия Федерациясендә татарлар күпләп яши торган төбәкләр» һәм «Татарстан Республикасының юкка чыккан торак пунктлары» белешмәлекләре.

«Россия Федерациясендә татарлар күпләп яши торган төбәкләр» фәнни-белешмә басмасы — Россиядә татар халкының таралып урнашу һәм хәзерге торышының гомуми картинасы күрсәтелгән беренче комплекслы эш.

Шулай ук ТАССРның 100 еллыгына әзерлек кысаларынада республика символикасына багышланган китап чыкты. «Тататарстан Республикасы табигате һәм табигый ресурслары» энциклопедиясе дә казанышлар җыелмасында аерым урын алып тора.

Сәхифәләр

Әлмәттә Татарстанның тарихына һәм табигатенә багышланган басмаларны тәкъдим иттеләр