Быел «Татмедиа» газета-журналлар белән вендинг автоматларын куярга ниятли
Шамил Садыйков мондый аппаратларның плюсларын атады.
Скопировать ссылку
(Казан, 31 гыйнвар, «Татар-информ», Гөлнар Гарифуллина). Быел «Татмедиа» агентлыгы газета-журналлар белән вендинг автоматларын куярга ниятли. Бу хакта «Татмедиа» Республика матбугат һәм массакүләм коммуникацияләр агентлыгы коллегиясе утырышында «Татмедиа» АҖ генераль директоры Шамил Садыйков әйтте.
«Казан сәүдә үзәкләрендә һәм социаль әһәмияткә ия объектларда брендлы вендинг автоматларын куяю ниятләнә. Вендинг аппаратлары плюслары — матбугат таратуның түбән үзкыйммәте, үтемлелек, уңайлылык», — диде ул.
ТР Президенты Аппараты җитәкчесе Әсгать Сәфәров яңа вендинг автоматын сынап карады.
Галерея: «Татмедиа» агентлыгы коллегиясенең кинәйтелгән утырышы