Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яшел Үзән хакимиятендә Васильевода юлның ни өчен багана аша салынуын аңлаттылар
Юлда каршылык барлыгын аңлаткан тиешле барлык юл билгеләре дә урнаштырылган.
(Казан, 30 октябрь, «Татар-информ»). Васильево бистәсендә яңа салынган юл уртасындагы багананы тиздән алачаклар, яңасын исә тиешле урында – юл читендә урнаштырачаклар. Яшел Үзән районы матбугат хезмәтендә яңа юлның ни өчен багана аша салынуын әнә шулай аңлаттылар. Элегрәк бу хәл машина йөртүчеләрдә дә дәгъва уяткан иде.
«Юл төзүчеләр яңа проект буенча әлеге участокта юлны киңәйтте, шул исәптән тротуар ясады. Шуның аркасында моңа кадәр юл кырыенда торган багана хәзер юл уртасында калды. Урында „Сетевая компания“ бригадасы эшли, алар иске багананы алачак, яңасын исә тиешле урында – юл читендә урнаштырачаклар», - диелә матбугат хезмәте хәбәрендә.
Шулай ук матбугат хезмәтендә билгеләп үтүләренчә, юлда каршылык барлыгын аңлаткан тиешле барлык юл билгеләре дә урнаштырылган.
Кызыклы яңалыкларны күзәтеп бару өчен Телеграм-каналга язылыгыз