Чирмешән районында балигъ булган яшьләргә бәйрәм алдыннан паспорт тапшырдылар

(Чирмешән, 30 апрель, “Татар-информ“, “Безнең Чирмешән“, Марат Гомәров). Чирмешән районында балигъ яшьләргә бәйрәм алдыннан паспорт тапшырдылар
Районда 14 яше тулган тагын 50 егет һәм кыз Россия паспорты ияләре булдылар.
Шәхеснең төп документын балаларга район үзәгендәге сәнгать мәктәбе бинасында тантаналы итеп тапшырдылар. Уллары, кызларының тормышындагы бу мөһим вакыйганы ата-аналар да күзәтте. Яшь гражданнарны район җитәкчелеге исеменнән район башкарма комитеты җитәкчесе урынбасары Рәмзия Долгополова, районның ветераннар һәм пенсионерлар Советы рәисе Габделбари Галиев тәбрикләделәр.