Авыл хуҗалыгы уңганнарына - губернатор бүләге

Авыл хуҗалыгы уңганнарына - губернатор бүләге

(Төмән, 29 июнь, «Татар-информ», Бибинур Сабирова). Төмән өлкәсе авыл хуҗалыгы алдынгыларына «Тараскүл” шифаханәсендә зур хөрмәт күрсәтелде. Өлкә губернаторы Сергей Собянин аларга кыйммәтле бүләкләр тапшырды.

Өлкәнең авыл хуҗалыгы уңганнары арасында милләттәшләребез дә бар иде. Алар: Исәт районының «Заречный» хуҗалыгыннан машина белән сыер саву операторы Мирсәлим Әфләтунов, Авыл хуҗалыгы академиясенең тәҗрибә белем бирү хуҗалыгы терлекчелек операторы Илшат Әминов, Түбән Тәүде районының «Искра» терлек үстерү һәм симертү хуҗалыгы операторлары Җәмилә Гайнетдинова белән Хәдичә Халикова.