Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Онищенко коронавирус таралуның «онытылган» чыганагының берсен атады
Россиянең элекке баш санитар табибы фатирдан чыкканда ук битлек һәм перчаткалар кияргә тәкъдим итте.
(Казан, 29 май, «Татар-информ»). Россиянең элекке баш санитар табибы, Дәүләт Думасы депутаты Геннадий Онищенко Covid-19 коронавирусының иң ачыкланмаган чыганагы нинди урын булуы турында сөйләде. Бу хакта «Парламентская газета» яза.
«Минем бәяләвемчә, подъезд - эпидемиягә каршы чаралар үткәрү ягыннан иң «онытылган» урын. Монда баскыч култыксалары да, лифт, домофон төймәләре дә бар. Ә җәяүләп төшәсез икән, уфылдап өскә күтәрелеп килүче күршегезне очрата аласыз», - диде Онищенко.
Аның сүзләренә караганда, подъезд да — җәмәгать урыны, бигрәк тә иртән, йортта яшәүчеләрнең барысы да эшкә барганда. Моннан тыш, подъездларда коронавирус озаграк саклана, чөнки анда кояш нурлары төшми.
Онищенко перчатка һәм битлекне урамга чыккач кына түгел, ә фатирдан чыкканда ук кияргә тәкъдим итте.
Кызыклы яңалыкларны күзәтеп бару өчен Телеграм-каналга язылыгыз