Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Эчке эшләр министрлыгы митингларда катнашкан өчен җаваплылык турында кисәтә
Килештерелмәгән акцияләр үткәрү омтылышы җәмәгать тәртибенә куркыныч тудыру буларак бәяләнәчәк.
(Казан, 29 гыйнвар, «Татар-информ»). ТР буенча Эчке эшләр министрлыгы митингларда катнашкан өчен җаваплылык турында кисәтә. Бу хакта ведомствоның матбугат хезмәтеннән хәбәр иттеләр.
Интернетта, социаль челтәрләрдә һәм кайбер гаммәви мәгълүмат чараларында 31 гыйнварда санкцияләнмәгән акцияләрдә катнашуга чакырулар белән бәйле рәвештә, ТР буенча Эчке эшләр министрлыгы килештерелмәгән митингларга чыгарга чакырган һәм катнашкан өчен закон нигезендә җаваплылык каралуы хакында кисәтә.
Килештерелмәгән акцияләр үткәрү омтылышы, шулай ук аларда катнашучылар ягыннан теләсә нинди коткы таратулар җәмәгать тәртибенә куркыныч тудыру буларак бәяләнәчәк.
Хокук саклау органнары закон бозу очракларына тиз арада реакция белдерәчәк һәм хокук тәртибен оештыру өчен тиешле барлык чараларны да күрәчәк. Тәртип бозучыларның барысын да закон нигезендә каралган җаваплылыкка тартачаклар.
Полицейскийлар гражданнарны коткыга бирелмәскә һәм килештерелмәгән митингларда катнашмаска, шулай ук полициянең законлы таләпләрен үтәргә чакыра.
Кызыклы яңалыкларны күзәтеп бару өчен Телеграм-каналга язылыгыз