Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Питрәч районының үзәк китапханәсендә мультипликация студиясе ачылачак
Бу район үзәгендә беренче шундый түгәрәк була.
(Питрәч, 28 ноябрь, «Татар-информ», «Алга», Люция Сираҗиева). Питрәч районы үзәк китапханәләр системасы Татарстанда тел күптөрлелеген саклау буенча грант конкурсында 500 мең сум отты.
Бу акчага Питрәчтә өлкәннәр китапханәсендә балаларга мультипликация өйрәтү буенча беренче туган якны өйрәнү түгәрәге булдырылачак. Проект «Күпмилләтле буяулар» дип атала.
«Без балалар белән татар, рус һәм керәшеннәрнең гореф-гадәтләре һәм йолалары турында мультфильмнар булдырачакбыз. Балалар безнең ярдәм белән сценарийлар уйлап табачаклар, декорацияләр әзерләячәкләр, геройлар ясаячаклар, аларны төшерәчәкләр, туган телдә тавыш яздырачаклар. Мәктәп укучыларын, шулай ук коррекцион интернат-мәктәбендә тәрбияләнүчеләрне җәлеп итәргә планлаштырабыз. Түгәрәк бушлай булачак», — дип сөйләде проект авторы Алсинә Карсакова.
Алынган ярты миллион сумга туган якны өйрәнү буенча китаплар, проектор, интерактив такта, видеокамера, махсус өстәл, ут планшетлары сатып алыначак, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз