Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия Туроператорлар ассоциациясе Төркиягә керү кагыйдәләрен атады
Туристларны коронавирус симптомнары булмаган очракта гына очкычка кертәчәкләр, симптомнар күзәтелсә, бушлай ПЦР-тест үтәргә туры киләчәк.
(Казан, 28 июль, «Татар-информ»). Төркиягә бару өчен россиялеләргә виза һәм Covid-19 коронавирусына үткәрелгән тестның нәтиҗәсе тискәре булуы турында белешмә кирәк булмаячак. Әмма очыш вакытында шәхси һәм контакт мәгълүматлары, кәнәфи номеры, илгә килгәч нинди адрес буенча урнашуы, шулай ук сәламәтлек торышы турында мәгълүматларны үз эченә алган анкета тутырырга туры киләчәк. Россия Туроператорлар ассоциациясе шундый кагыйдәләрне бастырып чыгарды.
Паспорт контролен үтү өчен һәр пассажирның температурасын үлчәячәкләр. Туристларны коронавирус симптомнары булмаган очракта гына очкычка кертәчәкләр, симптомнар күзәтелсә, бушлай ПЦР-тест үтәргә туры киләчәк. Нәтиҗәсе уңай булган очракта, пассажирны тикшеренү һәм дәвалану өчен госпитальгә озатачаклар.
Әгәр билгеле бер рейсның пассажирында коронавирус расланса, самолетта аның белән аралашкан гражданнар турында белешмәләрне, аларның шәхси һәм контакт мәгълүматларын Төркия Сәламәтлек саклау идарәсенә тапшырачаклар. Коронавирус йоктыру турында рейстан соң билгеле булган очракта, очкычта авыру белән аралашкан кешеләр аларның пассажир формалары буенча билгеләнәчәк. Аларны ике атналык карантинга яки изоляциягә озатачаклар.
Россиялеләрне шулай ук коронавирустан дәвалану чыгымнарын каплый торган страховка сатып алырга чакырдылар.
Кызыклы яңалыкларны күзәтеп бару өчен Телеграм-каналга язылыгыз