Казанда автоинспектор бала тудыру йортына барырга ярдәм иткән ананың сабые туган
Сабыйның әтисе бала табуның өзлегүләрсез узуын сөйләде һәм инспекторга күрсәтелгән ярдәм өчен рәхмәт белдерде.
(Казан, 28 май, «Татар-информ», Полина Шевчук). Казанда автоинспекторлар әнисенә бала тудыру йортына барып җитәргә ярдәм иткән сабый туган. Бу хакта «Татар-информ»га республика Дәүләт автоинспекциясендә сөйләделәр.
Республиканың Питрәч районында яшәүче хатын-кыз ире белән бергә Казанга бала тудыру йортына барырга чыккан. Юлда хатын-кызның эче авырта башлаган. Шул вакытта ире ЮХИДИ инспекторы янына килеп, ярдәм итүләрен сорый.
Полициянең өлкән лейтенанты Марат Гобәйдуллин патруль автомобилендә махсус тавыш һәм ут сигналларын кабызып, бала табучы хатын-кыз утырган машинаны хастаханәгә озата. Анда сәламәт ир бала дөньяга килде.
Яшь әти бала табуның өзлегүләрсез узуын сөйләде һәм автоинспекторга күрсәтелгән ярдәм өчен рәхмәт белдерде.