Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Өч яшьтән җиде яшькә кадәрге балалар өчен пособиеләрне арттырачаклар
Аның күләме гаилә кеременә бәйле булачак һәм элеккечә 50 процент түгел, ә балага билгеләнгән төбәк яшәү минимумыннан 50, 75 яки 100 процентка кадәр җитәргә мөмкин.
(Казан, 28 март, «Татар-информ»).1 апрельдән өч яшьтән алып җиде яшькә кадәрге балалар өчен арттырылган ай саен түләү өчен гариза бирергә мөмкин.
Хәзер аның күләме гаилә кеременә бәйле булачак һәм элеккечә 50 процент түгел, ә балага билгеләнгән төбәк яшәү минимумыннан 50, 75 яки 100 процентка кадәр җитәргә мөмкин.
«Российская газета» хәбәр итүенчә, шул ук вакытта гаиләгә түләү кирәклекне исәпләү кагыйдәләре үзгәрә. Бер кешегә уртача керем исәпләгәндә, институтта көндезге бүлектә укысалар, 23 яшькә кадәрге өлкән балаларны исәпкә алачаклар һәм инвалид балалар тәрбияләүче гражданнарга түләүләр исәпләнми. Бу кагыйдә беренче тапкыр кулланыла.
Җан башына уртача керемнән тыш, гаилә милке дә исәпкә алыначак: фатирлар, машиналар, җир кишәрлекләре, гаражлар, дачалар. Россия Хезмәт һәм социаль яклау министрлыгында бердәнбер торак булганда дәүләт ярдәме чараларыннан мәхрүм ителмәячәгенә игътибар иттеләр. Тик гаиләнең, мәсәлән, ике-өч фатиры булса, пособиене алу хокукы, әгәр аларның гомуми мәйданы гаиләнең бер әгъзасына 24 квадрат метрдан артмаса, сакланачак.
Түләү алучыларның бер үк вакытта берничә төрле мөлкәте, ягъни, фатиры, йорты, дачасы, гаражы, автомобиле һәм тракторы булырга мөмкин.
Кызыклы яңалыкларны күзәтеп бару өчен Телеграм-каналга язылыгыз