Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ленинград өлкәсендә диңгез борынына татар диңгезчесе исеме бирелде
1940 елда Измаил Зәйдуллин җитәкчелегендәге «Щ-423» су асты көймәсе тарихта беренче тапкыр Төньяк диңгез юлы белән Поляр түгәрәктән Владивостокка кадәр йөзеп чыга.
![Ленинград өлкәсендә диңгез борынына татар диңгезчесе исеме бирелде](https://tatar-inform.tatar/resize/shd/images/uploads/news/2019/11/27/47474ac51e2ba8fa6bbea94ad83b0bac0a45e93d9522daff0c675e5bb825.jpg)
(Казан, 27 ноябрь, «Татар-информ»). Россия Хөкүмәте Рәисе Дмитрий Медведев 59º40,5' төньяк киңлектәге һәм 280000,9' көнчыгыш озынлыктагы координаталы исемсез борынга «Измаил Зәйдулин борыны» исемен бирү турындагы боерыкка кул куйды. Бу хакта Татарстан Республикасының Санкт-Петербургтагы һәм Ленинград өлкәсендәге вәкиллеге хәбәр итә.
«Татарстанның Санкт-Петербург һәм Ленинград өлкәсендәге даими вәкиллеге Россия хәрби-диңгез флоты вәкилләре, Хәрби-диңгез флоты иҗтимагый оешмалары ветераннары һәм татар иҗтимагый оешмалары белән тыгыз хезмәттәшлектә татарлардан беренче су асты йөзүчесе, 1 ранг капитан Измаил Мотыйгулла улы Зәйдулин исемен мәңгеләштерүдә зур эш башкарды», диелә хәбәрдә.
1940 елның август — октябрь айларында 3 ранг капитаны Измаил Зәйдуллин җитәкчелегендәге «Щ-423» су асты көймәсе су астында йөзү тарихында беренче тапкыр Полярдан Владивостокка Төньяк диңгез юлы белән барып җитә. Бу сәяхәт бер навигация вакытында ЭОН-10 составында, ватылуларсыз башкарыла.
Бөек Ватан сугышы елларында Измаил Зәйдуллин Советлар Союзының гамәлдәге флотларында сугыша: Севастополь оборонасында, Керчь ярымутравын саклауда катнаша.
2 ранг капитаны Измаил Мотыйгулла улы Зәйдулин 1944 елның 26 августында Нарва култыгы сулыкларында һәлак була. Үлгәннән соң аңа «1ранг капитаны» исеме һәм I дәрәҗә Ватан сугышы ордены бирелә.
Кызыклы яңалыкларны күзәтеп бару өчен Телеграм-каналга язылыгыз