2022 елда Татарстанда яшәүчеләр 119 көн ял итәчәк

Киләсе Яңа ел каникуллары 10 көн дәвам итәчәк.

(Казан, 27 октябрь, «Татар-информ», Наталья Рыбакова). 2022 елда Татарстанда яшәүчеләр 119 көн ял көтә, 2021 ел белән чагыштырганда ике ял көненә кимрәк була. Бүген Татарстан Хезмәт, халыкны эш белән тәэмин итү һәм социаль яклау министрлыгы җитештерү календарен чыгарды.

«Татарстанда 1, 2, 3, 4, 5, 6 һәм 8 гыйнвар — Яңа ел каникуллары, 7 гыйнвар — Раштуа бйәрәме, 23 февраль — Ватанны саклаучылар көне, 8 март — Халыкара хатын-кызлар көне, 1 май — Яз һәм хезмәт бәйрәме, 9 май — Җиңү көне, 12 июнь — Россия көне, 30 август — Татарстан Республикасы көне, 4 ноябрь — Халыклар бердәмлеге көне, 6 ноябрь — Татарстан Конституциясе көне, шулай ук Ураза һәм Корбан бәйрәмнәре, диелгән хәбәрдә.

Татарстан мөселманнары Диния нәзарәтенең якынча мәгълүматлары буенча, 2022 елда Ураза гаете 2 майга, ә Корбан бәйрәме 9 июль көннәренә туры килә. 

Россия Хөкүмәтенең «2022 елның ял көннәрен күчерү турында»гы карары белән шимбә, 1 гыйнварга туры килгән ял сишәмбе, 3 майга, якшәмбе, 2 гыйнвар ялы сишәмбе, 10 майга, шимбә, 5 март ялы дүшәмбе, 7 мартка күчерелә.

«Татарстан Республикасында 2022 елда 119 көн ял була, шул исәптән 18 эш көне булмаган бәйрәм көн», диелгән министрлык хәбәрендә.

Искәртеп узабыз, 2021 елда 121 ял көне була. Элегрәк Хөкүмәт 31 декабрьдә ял көне дип игълан итте. 2021 елда елның соңгы көне эш көне булмый, аңа якшәмбегә туры килгән 3 гыйнвар ялы күчерелә. Шулай итеп, киләсе Яңа ел каникуллары 10 көн дәвам итәчәк.