Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Камада ун меңнән артык бакча участогы территориясендә шартлар яхшыртылган
Бу максатларга 64 миллион сум бүлеп бирелгән.
(Казан, 27 октябрь, «Татар-информ»). «Татарстанда бакчачылык хәрәкәтен үстерү» республика программасы ярдәмендә Түбән Камада 10 меңнән артык бакча кишәрлеге шартларын яхшырттылар. Бу максатларга 64 миллион сум бүлеп бирелгән. Бу турыда Түбән Кама муниципаль районы рәсми сайтында хәбәр ителә.
Түбән Кама муниципаль районында барлыгы 29 бакчачылык ширкәте бар, бу 27 меңнән артык гамәлдәге участок була.
Программа кысаларында 2020 елда су алу ноктасыннан алып бакча ширкәте чигенә кадәр гомуми озынлыгы 700 м торбаүткәргеч алмаштырылды, 1,8 меңнән артык участок урнашкан дүрт бакчачылык ширкәте өчен 6 насос урнаштырылды.
Электр челтәре хуҗалыгын ремонтлау буенча эшләр каралган. Ике трансформатор подстанциясен алыштыру планлаштырыла. Нәтиҗәдә, 3 мең участок урнашкан ике бакчачылык ширкәте өчен шартлар яхшыртылачак. Эшләр якын арада башланачак һәм 2020 елның декабрендә тәмамланачак.
2020 елда республика программасында катнашу нәтиҗәсендә, 110 нчы номерлы (Корабельная Роща) маршруты буенча иң проблемалы автомобиль юлының берсенә капиталь ремонт ясалган. Әлеге участок өч бакчачылык ширкәтен берләштерә, ә бу 2 меңгә якын участок, шулай ук Кама Аланында «Энергостроитель» коммерциячел булмаган бакчачылык ширкәте маршруты буенча юл участогы яхшыртылган. Бу максатларга 57,3 млн сумнан артык акча бүлеп бирелгән.
Кызыклы яңалыкларны күзәтеп бару өчен Телеграм-каналга язылыгыз