Менделеевскида йортларга җылылык 28 сентябрьдә биреләчәк
Җылылык бирү өчен йорт буенча җаваплы кеше идарәче компаниягә гариза бирергә тиеш.
Скопировать ссылку
(Казан, 27 сентябрь, «Татар-информ»). 28 сентябрьдә Менделеевскида йортларга җылылык бирелә башлый. Хәзер шәһәрдә җайга салу эшләре бара. Бу турыда «Менделеевские новости» газетасы хәбәр итә.
Шәһәрдә ягып җылыту сезоны узган атнада башланды. Беренче итеп, балалар бакчаларына һәм мәктәпләргә җыллык җибәрделәр.
«Идарәче компания»дә белдерүләренчә, җылылык бирү өчен йорт буенча җаваплы кеше идарәче компаниягә гариза бирергә тиеш.
Тулырак мәгълүмат өчен 8 (855) 492-41-01 телефоны буенча мөрәҗәгать итәргә була.