Җәмгыять 27 август 2021 20:28

Россия Пенсия фондында пенсионерларның кайсысы ун мең сум акча алачагын әйттеләр

Аны 43 миллионга якын кеше алачак.

Скопировать ссылку

(Казан, 27 август, «Татар-информ»). Ун мең сум күләмендәге бер тапкыр бирелә торган акча (Россия Президенты Владимир Путин шул хактагы указны имзалаган иде) 2021 елның 31 августына пенсия алучыларга түләнәчәк. Бу хакта РИА Новости агентлыгы Россия Пенсия фондының Белгород өлкәсе буенча бүлеге сайтында дөнья күргән хәбәргә сылтама белән хәбәр итә.

«Үзләренә тиешле сумманы алар сентябрьдә алачак», - дип искәрттеләр ведомствода.

РФ Пенсия фондында кайбер очракларда акчаны соңрак та күчерергә мөмкиннәр дип искәрттеләр.

Владимир Путин пенсионерларга өстәмә рәвештә бер тапкыр ун мең сум күләмендә акча бирү тәкъдиме белән чыккан иде. Аны 43 миллионга якын кеше алачак. Акчаны барлык пенсионерларга да (эшләүчеләренә дә, эшләмәүчеләренә дә) күчерәчәкләр. Шул ук вакытта, аны алу өчен бернинди гариза да кирәкми – барлык кәгазьләрне Пенсия фонды үзе әзерли.

Сәхифәләр

Россия Пенсия фондында пенсионерларның кайсысы ун мең сум акча алачагын әйттеләр