Иртәгә Татарстанда яшенле яңгыр, боз явуы һәм көчле җил көтелә
Җилнең тизлеге көчәйгәндә секундына 20 метрга кадәр җитәчәк.
Скопировать ссылку
(Казан, 27 август, «Татар-информ»). Иртәгә, 28 августта, Татарстанда һава шартларының сизелерлек бозылуы көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Көндез һәм кич урыны белән республика территориясендә һәм Казанда яшенле яңгыр яварга, яшен вакытында җилнең тизлеге секундына 15-20 метрга кадәр җитәчәк. Моннан тыш, урыны белән боз явачак.
«Татар-информ» агентлыгы элегрәк хәбәр иткәнчә, синоптиклар атна ахырында Татарстанда +29 градуска кадәр җылытачак дип фаразлаган иде.