Мамадышта яшәүчеләргә яшелчәләр үстерү өчен җир кишәрлекләре тәкъдим ителә

Җир кишәрлеге алырга теләүчеләр 8 (85563) 3-31-00 телефоны буенча шалтырата ала.

(Казан, 27 апрель, «Татар-информ»). Мамадыш районы Башкарма комитеты бакчалары булмаган кешеләргә Красногорск авыл җирлеге территориясеннән җир кишәрлеге алырга тәкъдим итте. Бу хакта «Нократ» газетасы хәбәр итә.

Яшелчәләр үстерергә теләүчеләргә җирне эшкәртергә кирәк булмаячак, аларны алдан әзерләп тапшырачаклар, дип хәбәр иттеләр район муниципалитетында.

Бу чара хәзерге вазгыятькә бәйле рәвештә, яшелчә үстерү белән шөгыльләнергә һәм өстәмә керем алырга теләп мөрәҗәгать иткән мамадышлылар үтенече белән башкарыла.

Гаризалар кабул итә башлаганнар. Җир кишәрлеге алырга теләүчеләр 8 (85563) 3-31-00 телефоны буенча шалтырата ала.