Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда күп фатирлы 948 йорт капиталь ремонт программасы буенча төзекләндереләчәк
33 республика программасының җидесе төзелеш-монтажлау эшләре башлануга тулысынча әзер.
(Казан, 27 февраль, «Татар-информ»). Татарстанда күп фатирлы йортларны капиталь ремонтлау программасына 41 муниципаль берәмлектә 948 йорт кергән. Программаның бюджеты 6 295, 4 млн сум тәшкил итә.
Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министрының беренче урынбасары Алексей Фролов сөйләде, дип хәбәр итте Татарстан Президентының матбугат хезмәте.
2021 елның 33 республика программасының җидесе төзелеш-монтажлау эшләре башлануга тулысынча әзер — алар килешүләрнең барлык этапларын — сатулар үткәрүне һәм дәүләт контрактлары төзүне уздылар.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.
Республика программаларыннан тыш, Татарстанда 2021 елда илкүләм проектлар кысаларында да зур күләмле чаралар уздырылачак. ТР Төзелеш, архитектура һәм ТКХ министрлыгы ел дәвамында 12 федераль программага кергән 97 объектка мониторинг үткәрәчәк. Хәзерге вакытта 11 объектта проект-смета документациясе эшләнә.
Торак һәм социаль объектлар төзелеше бәясенең кискен артуына юл куймас өчен, Россия Федерациясе Президенты Владимир Путин кушуы буенча, металл прокатка бәяләрне Федераль монополиягә каршы хезмәт контрольдә тота. 1 февральдән металл прокатка бәяләр үсеше күзәтелми, хәтта бәяләр 3тән 5процентка кадәр кимегән.
Республика ягыннан металл прокат эшләнмәләренә бәяләр мониторингы ТР Дәүләт экспертизасы һәм бәя кую идарәсе тарафыннан атна саен алып барыла, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз