news_header_top
Руc Тат
16+
news_header_bot
news_top
Җәмгыять 27 февраль 2017 20:09

Татарстанда температура нормадан уртача 6 градуска югары булачак

Синоптиклар хәбәр итүенчә, киләсе 3 төндә генә салкын булуы көтелә, аннан соң исә яңадан эретә башлаячак

Скопировать ссылку

(Казан, 27 февраль, "Татар-информ"). Февральнең өченче декадасына хас аномаль җылы температура Татарстанга яңадан кайтачак. Ягъни 27февральдән 8 мартка кадәр җылы һава торышы сакланачак. Бу хакта «Татар-информ» мәгълүмат агентлыгына Татарстан Гидрометеорология һәм әйләнә-тирәне мониторинглау идарәсенең һава торышын фаразлау бүлеге башлыгы Ирина Трущина хәбәр итте.

Иртәгә 28 февраль көнне юеш кар, урыны белән буран, көньяк-көнбатыштан уртача җил, төнлә 3-5 градус салкын, ә көндез төньяк көнбатыштан уртача җил, бераз кар, 0 дән алып 2 градуска кадәр салкын булачак, дип фаразлана. Татарстан юлларында һәм шулай ук Казанда да көчле бозлавык көтелүен кисәтә Татарстан Гидрометцентры. Ләкин бик тиздән яңадан эретә башлаячак. 

«Аномаль җылы һава торышы кире кайтачак. Иртәгә төнлә -2, республика буенча -7, ә көндез температура -4 тән +1 градуска күтәреләчәк. Аннан соң салкынча ике төн көтелә. Пәнҗешәме 0-5 градус салкын, урыны белән 10 градус салкын, ә көндез 4 градуска кадәр җылы булыр дип фаразлана. Шуннан соң нормадан 8-9 градуска югары булган аномаль җылы температура күзәтеләчәк », – дип аңлатты Ирина Трущина.

Ләкин метеорологлар фикеренчә, бу әле яз иртә киләчәк дигән сүз түгел. Ә бәлки 2016-2017 елның кышы үзенчәлекле һава торышының чагылышы гына.

news_right_1
news_right_2
news_bot