Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Хакер һөҗүменнән соң дәүләт хезмәтләре порталына куркынычсызлык чараларын көчәйтәләр
Бу хәлнең сәбәбе булып кеше факторы тора, дип сөйләде Айрат Хәйруллин.
(Казан, 27 гыйнвар, «Татар-информ», Диана Авакян). Татарстанның мәгълүмати технологияләр үзәгенә киберкуркынычсызлык чараларын көчәйтергә кирәк булачак. Бу күптән түгел республика дәүләт хезмәтләре порталына булган хакер һөҗүме белән бәйле. Татарстанның мәгълүмати технологияләр үзәгенә тиешле йөкләмәне ведомство коллегиясе утырышында Татарстан Дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин бирде.
«Мәгълүмати системаларга хезмәт күрсәтүче подрядчы оешма белгечләре тупас хата җибәрде. Ә Татарстанның мәгълүмати технологияләр үзәге кая караган? Мәгълүмати технологияләр үзәгенең яңа җитәкчесен кризиска каршы кабул ителгән план нигезендә республиканың мәгълүматларны эшкәртү үзәгендә урнаштырылган барлык 70 мәгълүмат системасы буенча өстәмә куркынычсызлык чаралары күрүне һәм тәэмин итүне сорыйм», - диде Хәйруллин.
Татарстан Республикасында дәүләт мәгълүмат системаларын аттестацияләү алымнарын кардиналь рәвештә яңадан карарга кирәк. Бу шактый акча сорый, дип өстәде министр. Ул Татарстан мәгълүмати технологияләр үзәгенә проектны финанслау буенча тәкъдимнәр әзерләргә кушты.
2019 елда мәгълүмати куркынычсызлык мониторингы системалары тарафыннан Хөкүмәт мәгълүматларын эшкәртү үзәгендә 7 мең 658 компьютер инциденты теркәлгән һәм булдырмый калынган. Ведомство башлыгы кеше факторы турында онытмаска өндәде.
Кызыклы яңалыкларны күзәтеп бару өчен Телеграм-каналга язылыгыз