Зәй районының Югары Пәнәче китапханәсендә Әниләр көне уңаеннан бәхет кошы ясадылар

(Казан, 26 ноябрь, «Татар-информ», «Зәй офыклары», Клара Ермолаева). Зәй районының Югары Пәнәче китапханәсендә Әниләр көне уңаеннан бәхет кошы ясадылар. Бу хакта район газетасы яза.

Бу кошны 20 см зурлыктагы яулыктан ясыйлар, ясаганда төрле теләкләр теләргә кирәк.

«Әниләр бәйрәме уңаеннан балалар белән әниләргә „Бәхет кошы“ дип аталган бүләк ясадык, бераз бу кош белән бәйле тарихны сөйләдек. Бу кошны 20 см зурлыктагы яулыктан ясыйсың. Ясаганда төрле теләкләр теләргә кирәк. Чөнки электән үк мондый кошлар йортны төрле чирләрдән, әшәкелектән саклый торган талисман дип санаганнар. Ясап бетергәч, кошны күренә торган урынга элеп куялар», — дип сөйләде китапханәче Дамирә Шәрифуллина.

Шундый чаралар белән замана баласын әби-бабалар тарихы белән таныштырырга тырышалар, диелә хәбәрдә.