Әлмәттә халык санын алу буенча алтмыштан артык участок эшли
Бөтенроссия халык санын алу 15 октябрьдә башланды һәм 14 ноябрьгә кадәр дәвам итәчәк.
(Әлмәт, 26 октябрь, «Татар-информ», «Әлмәт таңнары»). Бөтенроссия халык санын алуны узу өчен әлмәтлеләр стационар участокларга бара ала. Әлмәттә шундый 61 участок эшли.
Традицион ысул — өйдә сораштыру 18 октябрьдә башланды һәм 14 ноябрьгә кадәр дәвам итәчәк. Өйләргә чыгып, шәһәрдә 360тан артык исәпкә алучы эшләсә, 96сы авыл җирлекләрендә булачак.
Анкета тутыручылар көн саен 8.00-20.00 сәгатьтә йөри.
Стационар участок адресларын белү һәм сорауларга җавап алу өчен Әлмәт районында 8 (8553)32-90-94 кайнар элемтә телефонына шалтыратырга мөмкин.
Бөтенроссия халык санын алу 15 октябрьдә башланды һәм 14 ноябрьгә кадәр дәвам итәчәк. Акциянең башлангыч нәтиҗәләре киләсе елның апрелендә, ахыргы нәтиҗәләре 2022 ел ахырына кадәр билгеле булачак.